Maraming pagsasaliksik ang nagpapatunay ng halaga ng pagtulog sa pagmamantini ng mga proseso ng katawan. Ang mata at ang iba pang mga parte ng katawan na sensitibo sa ilaw ang kumokontrol sa maraming mga proseso, lakip na ang pagtulog. Sa ilalim ng normal na mga kalagayan, ang pagtulog ay dumarating sa gabi, kapag madilim.
Pero dahil sa trabaho at sa marami pang aspekto ng abalang buhay sa mga lunsod ngayon, ang gabi ay nagiging araw na rin para sa marami. Hindi na regular ang siklo ng pagtulog at paggising para sa maraming kabataan na buhay na buhay ang night life. Ang mga nagtatrabaho naman ay nagpapalit-palit ng pattern ng pagtulog dahil sa pagbabago ng shift sa trabaho (nakilala ko ang team leader ng isang grupo ng mga mananaliksik na Pilipino at Aleman na patuloy pa ring nag-aaral sa mga epektong dulot ng shift work sa mga empleyado).
*****
Wala naman akong pabagu-bagong shift sa trabaho, at lalong wala akong night life. Pero sa nakaraang mga gabi, maraming iba't-ibang salik ang humahadlang para magkaroon ako ng isang mahaba at matiwasay na pagtulog.
Noon, kapag pinatay na ang mga ilaw at nasabi na ang pasasalamat sa Diyos sa isang makabuluhang araw, basta na lang darating ang tulog sa akin, parang computer na dahan-dahan ang shutdown. Anumang likot ng katawan ay di alintana ng isip na naglalakbay sa kawalan, sa mundo ng malalalim na panaginip na madalas ay agad ding nakakalimutan sa paggising.
Pero ngayon, sa maraming pagkakataon, parang nagtampo ang antok at ayaw man lang akong dalawin. Parang computer na hindi makapag-shutdown dahil may mga abalang proseso, ang utak ko ay binabato ng kung anu-anong mga alaala. Gusto na niyang planuhin ang mga gagawin kinabukasan (na madalas naman ay hindi rin natutuloy). Inuulit niya ang mga eksena sa maghapon (na kapag pinigil ko ay papalitan naman niya ng iba pa). Sakali mang masawata ko ang sobrang aktibong isip, sa isang mahinang kaluskos na nasagap ng tainga o sa isang marahang paggalaw at pagbaling ng paa ay muli niya akong gigisingin para ulitin ang proseso. Sa bawat paggising, may pabaon itong isang napakadetalyadong panaginip na patuloy kong maaalala at pag-iisipan kinabukasan.
*****
Hindi ko na alam kung ano ang sanhi at kung ano ang epekto.
Pwede kasing "tumatanda" na ako kaya hindi na ako makatulog nang matino.
Pwede rin namang ang mga gabing walang tulog ang dahilan kaya tumatanda na ako (anupat kitang-kita na sa aking itsura).
Ilang minuto mula ngayon, sisimulan ko na naman ang panunuyo sa antok at paghahabol sa tulog, umaasang magiging mabait sila sa akin sa pagkakataong ito. ●
Pero dahil sa trabaho at sa marami pang aspekto ng abalang buhay sa mga lunsod ngayon, ang gabi ay nagiging araw na rin para sa marami. Hindi na regular ang siklo ng pagtulog at paggising para sa maraming kabataan na buhay na buhay ang night life. Ang mga nagtatrabaho naman ay nagpapalit-palit ng pattern ng pagtulog dahil sa pagbabago ng shift sa trabaho (nakilala ko ang team leader ng isang grupo ng mga mananaliksik na Pilipino at Aleman na patuloy pa ring nag-aaral sa mga epektong dulot ng shift work sa mga empleyado).
*****
Wala naman akong pabagu-bagong shift sa trabaho, at lalong wala akong night life. Pero sa nakaraang mga gabi, maraming iba't-ibang salik ang humahadlang para magkaroon ako ng isang mahaba at matiwasay na pagtulog.
Noon, kapag pinatay na ang mga ilaw at nasabi na ang pasasalamat sa Diyos sa isang makabuluhang araw, basta na lang darating ang tulog sa akin, parang computer na dahan-dahan ang shutdown. Anumang likot ng katawan ay di alintana ng isip na naglalakbay sa kawalan, sa mundo ng malalalim na panaginip na madalas ay agad ding nakakalimutan sa paggising.
Pero ngayon, sa maraming pagkakataon, parang nagtampo ang antok at ayaw man lang akong dalawin. Parang computer na hindi makapag-shutdown dahil may mga abalang proseso, ang utak ko ay binabato ng kung anu-anong mga alaala. Gusto na niyang planuhin ang mga gagawin kinabukasan (na madalas naman ay hindi rin natutuloy). Inuulit niya ang mga eksena sa maghapon (na kapag pinigil ko ay papalitan naman niya ng iba pa). Sakali mang masawata ko ang sobrang aktibong isip, sa isang mahinang kaluskos na nasagap ng tainga o sa isang marahang paggalaw at pagbaling ng paa ay muli niya akong gigisingin para ulitin ang proseso. Sa bawat paggising, may pabaon itong isang napakadetalyadong panaginip na patuloy kong maaalala at pag-iisipan kinabukasan.
*****
Hindi ko na alam kung ano ang sanhi at kung ano ang epekto.
Pwede kasing "tumatanda" na ako kaya hindi na ako makatulog nang matino.
Pwede rin namang ang mga gabing walang tulog ang dahilan kaya tumatanda na ako (anupat kitang-kita na sa aking itsura).
Ilang minuto mula ngayon, sisimulan ko na naman ang panunuyo sa antok at paghahabol sa tulog, umaasang magiging mabait sila sa akin sa pagkakataong ito. ●
Mga Komento
Mag-post ng isang Komento