nilalakad ko ang titulo ng lupa na nabili ko, at kung saan-saan na ako ipinadpad nito sa Makati. sadyang napakalaki nga siguro ng kawanihan, kung kaya't kinailangan kong magpalipat-lipat sa iba't ibang gusali.
isa pang bagay na napansin ko ay ang karagdagang pag-iingat na ginagawa nila sa pagsasaliksik may kinalaman sa mga dokumento. ang inaakala kong isang maliit na papel na pipirmahan lamang ng isang ginoo o binibini ay sa katunayan isang kalahati o buong oras na paghihintay. wari bang bawat linya ay hinihimay, sinusuri.
kung sabagay, hindi naman sila masisisi. ang titulo ay siyang magpapatunay ng pag-aari ng isang sukat ng mundo.
*****
bumili ako ng bagong cellphone. nagpakabit ng bagong Internet connection. sabihin pa, maingat kong itinago ang mga resibo.
ang resibo ang lisensya sa pagpapalit, pagpapaayos, atbp. ito ang katibayan ng pagbili ng isang bagay; isang maliit na papel na sumasagisag sa isang buong kontrata na pinasok ng nagtitinda at bumibili. isang malaking kawalan nga kung maiwaglit mo ang iyong resibo (maraming beses na rin akong nabiktima ng gayong kawalang-ingat).
*****
ano ba ang pinanghahawakan sa pagmamahal?
ang mag-asawa ay may kontrata; ito na siguro ang pinakamalapit na pagsasalarawan sa isang bagay na kumakatawan sa pag-ibig. pero bukod dito, sa anong materyal na bagay nga ba maihahalintulad ang pangako ng pagmamahal?
ang totoo, walang isang bagay na maaaring lumarawan dito. mas dakila pa ang pag-ibig sa anumang sukat ng pisikal na mundo. ang tunay na pag-ibig ay hindi nangangailangan ng resibo dahil may panghabang-buhay na warranty.
pagdating sa pagmamahal, ang mga bagay na pinanghahawakan ay ang mahigpit na mga yakap at mga halik. ang walang katapusan pagpapahayag ng kaligayahan sa piling niya. ang panahon. ang pagkanaroroon sa bawat pagkakataon, lalo pa't kung kailangan niya.
hindi na kailangang suriin ang bawat linyang nakaukit sa puso. hindi mawawaglit ang kontratang bumabalot sa pagkatao.
isa pang bagay na napansin ko ay ang karagdagang pag-iingat na ginagawa nila sa pagsasaliksik may kinalaman sa mga dokumento. ang inaakala kong isang maliit na papel na pipirmahan lamang ng isang ginoo o binibini ay sa katunayan isang kalahati o buong oras na paghihintay. wari bang bawat linya ay hinihimay, sinusuri.
kung sabagay, hindi naman sila masisisi. ang titulo ay siyang magpapatunay ng pag-aari ng isang sukat ng mundo.
*****
bumili ako ng bagong cellphone. nagpakabit ng bagong Internet connection. sabihin pa, maingat kong itinago ang mga resibo.
ang resibo ang lisensya sa pagpapalit, pagpapaayos, atbp. ito ang katibayan ng pagbili ng isang bagay; isang maliit na papel na sumasagisag sa isang buong kontrata na pinasok ng nagtitinda at bumibili. isang malaking kawalan nga kung maiwaglit mo ang iyong resibo (maraming beses na rin akong nabiktima ng gayong kawalang-ingat).
*****
ano ba ang pinanghahawakan sa pagmamahal?
ang mag-asawa ay may kontrata; ito na siguro ang pinakamalapit na pagsasalarawan sa isang bagay na kumakatawan sa pag-ibig. pero bukod dito, sa anong materyal na bagay nga ba maihahalintulad ang pangako ng pagmamahal?
ang totoo, walang isang bagay na maaaring lumarawan dito. mas dakila pa ang pag-ibig sa anumang sukat ng pisikal na mundo. ang tunay na pag-ibig ay hindi nangangailangan ng resibo dahil may panghabang-buhay na warranty.
pagdating sa pagmamahal, ang mga bagay na pinanghahawakan ay ang mahigpit na mga yakap at mga halik. ang walang katapusan pagpapahayag ng kaligayahan sa piling niya. ang panahon. ang pagkanaroroon sa bawat pagkakataon, lalo pa't kung kailangan niya.
hindi na kailangang suriin ang bawat linyang nakaukit sa puso. hindi mawawaglit ang kontratang bumabalot sa pagkatao.
Mga Komento
Mag-post ng isang Komento