di ba Hunyo?
ang buwan ng mga kasalan? hindi ko alam kung may kinalaman ba sa pangalan ng buwan ito, pero nakagawian nang ituring na wedding month ang buwang ipinangalan kay Juno, ang diyosa ng mga kababaihan sa mitolohiyang Romano. tuwing Hunyo ay naglalabasan ang mga bagay na may kinalaman sa mga kasal: mula sa mga display sa mga mall hanggang sa mga features sa mga magasin. kaya marami ang pumipili sa Hunyo bilang buwan ng kanilang pag-iisang dibdib.
*****
pero ngayong Disyembre, nagkasunud-sunod ang mga kasalan na nababalitaan ko sa maliit na mundo ng mga kaibigan at kakilala ko. may kinalaman kaya rito ang lamig ng mga gabi ng Disyembre?
nariyan si Ate Ianne, na nitong Lunes ay ikinasal kay Anthony. nahilingan pa nila ako (kasama si Ate Bhazel) na maging emcee sa piging ng kasalan. ang isang pares sa mga ninong at ninang ay hindi nakarating: sina Sir Chris at Ma'am Sher. ang dahilan? kinabukasan ay dadalo sila sa isang (nahulaan nyo na siguro) kasalan, sa pagkakataong ito'y sa kapatid ni Ma'am Sher sa Isabela.
sa pagbukas ko ng Facebook ni Steph, isa sa mga kaibigan niya mula sa kongregasyon ay nagpaskil na may ilang kasalan pa siyang pupuntahan. marahil, ang isa dito ay kay Prince at Jemmi, mga ka-kongragasyon ni Steph na naging kaibigan ko na rin (at, dahil dito, ay naimbitahan na rin ako). ang kasal ay magaganap naman sa lunes, ika-27. tiyak, malibang ikaw ay may trabahong may kinalaman sa kasal o isang bigatin sa lipunan, bibihira ang maiimbitahan sa mga kasal na may agwat lamang na isang linggo.
isang kamag-aral ko rin yata noong high school ang ikakasal ngayong Disyembre; nabalitaan kong dumalo na nga silang magkasintahan sa isang family planning seminar, isang requirement sa kasal.
*****
ang kasal ay ang pagpapahayag ng pagpili ng dalawang tao sa isa't-isa bilang makakasama, makakapareha, sa buong buhay nila. tiyak, bago pa ang kasal, ang dalawang taong ito'y tumahak na sa mahabang landas na umakay tungo sa pagpapasiyang ito; ang kasal ang pangmadlang pagpapahayag, isang anunsiyo, na nagpapakilala sa madla na handa na ang dalawa na hindi na humiwalay pa sa isa't-isa.
Hunyo man o Disyembre, may okasyon man o wala, ang mahalaga'y ang pagpili ng mga taong ito na mahalin at habangbuhay na igalang ang isa't-isa.
bilang imbitado, tayo ay mga kaibigan o kapamilya na nakikisaya sa dalawang taong iyon na piniling tumahak sa buhay mag-asawa. ang pagkanaroroon natin sa kasal at sa reception ay ituring nawa natin na pasimula ng pakikisaya at pagtulong natin sa magiging mag-asawa. bukod sa mga regalo at pagbati, mas mahalaga na maiparating natin sa bagong kasal na nasa kanila ang ating suporta kahit pa sa mga panahong masisikip ang tawiran at mababato ang landas sa unahan.
*****
ang kasal ay isang panghabang-buhay na buklod. may bisa ito sa harap ng tao at ng Diyos. mas matibay ang taling may tatlong ikid, ang sabi nga sa Bibliya; mas nagtatagal ang pagsasamang kasama ang Diyos.
pagpalain nawa ang mga bagong mag-asawa! mabuhay ang mga bagong kasal. :)
ang buwan ng mga kasalan? hindi ko alam kung may kinalaman ba sa pangalan ng buwan ito, pero nakagawian nang ituring na wedding month ang buwang ipinangalan kay Juno, ang diyosa ng mga kababaihan sa mitolohiyang Romano. tuwing Hunyo ay naglalabasan ang mga bagay na may kinalaman sa mga kasal: mula sa mga display sa mga mall hanggang sa mga features sa mga magasin. kaya marami ang pumipili sa Hunyo bilang buwan ng kanilang pag-iisang dibdib.
*****
pero ngayong Disyembre, nagkasunud-sunod ang mga kasalan na nababalitaan ko sa maliit na mundo ng mga kaibigan at kakilala ko. may kinalaman kaya rito ang lamig ng mga gabi ng Disyembre?
nariyan si Ate Ianne, na nitong Lunes ay ikinasal kay Anthony. nahilingan pa nila ako (kasama si Ate Bhazel) na maging emcee sa piging ng kasalan. ang isang pares sa mga ninong at ninang ay hindi nakarating: sina Sir Chris at Ma'am Sher. ang dahilan? kinabukasan ay dadalo sila sa isang (nahulaan nyo na siguro) kasalan, sa pagkakataong ito'y sa kapatid ni Ma'am Sher sa Isabela.
sa pagbukas ko ng Facebook ni Steph, isa sa mga kaibigan niya mula sa kongregasyon ay nagpaskil na may ilang kasalan pa siyang pupuntahan. marahil, ang isa dito ay kay Prince at Jemmi, mga ka-kongragasyon ni Steph na naging kaibigan ko na rin (at, dahil dito, ay naimbitahan na rin ako). ang kasal ay magaganap naman sa lunes, ika-27. tiyak, malibang ikaw ay may trabahong may kinalaman sa kasal o isang bigatin sa lipunan, bibihira ang maiimbitahan sa mga kasal na may agwat lamang na isang linggo.
isang kamag-aral ko rin yata noong high school ang ikakasal ngayong Disyembre; nabalitaan kong dumalo na nga silang magkasintahan sa isang family planning seminar, isang requirement sa kasal.
*****
ang kasal ay ang pagpapahayag ng pagpili ng dalawang tao sa isa't-isa bilang makakasama, makakapareha, sa buong buhay nila. tiyak, bago pa ang kasal, ang dalawang taong ito'y tumahak na sa mahabang landas na umakay tungo sa pagpapasiyang ito; ang kasal ang pangmadlang pagpapahayag, isang anunsiyo, na nagpapakilala sa madla na handa na ang dalawa na hindi na humiwalay pa sa isa't-isa.
Hunyo man o Disyembre, may okasyon man o wala, ang mahalaga'y ang pagpili ng mga taong ito na mahalin at habangbuhay na igalang ang isa't-isa.
bilang imbitado, tayo ay mga kaibigan o kapamilya na nakikisaya sa dalawang taong iyon na piniling tumahak sa buhay mag-asawa. ang pagkanaroroon natin sa kasal at sa reception ay ituring nawa natin na pasimula ng pakikisaya at pagtulong natin sa magiging mag-asawa. bukod sa mga regalo at pagbati, mas mahalaga na maiparating natin sa bagong kasal na nasa kanila ang ating suporta kahit pa sa mga panahong masisikip ang tawiran at mababato ang landas sa unahan.
*****
ang kasal ay isang panghabang-buhay na buklod. may bisa ito sa harap ng tao at ng Diyos. mas matibay ang taling may tatlong ikid, ang sabi nga sa Bibliya; mas nagtatagal ang pagsasamang kasama ang Diyos.
pagpalain nawa ang mga bagong mag-asawa! mabuhay ang mga bagong kasal. :)
Mga Komento
Mag-post ng isang Komento